మీరు ఎందుకు మ్యూచ్యువల్ ఫండ్స్ ద్వారా పెట్టుబడి పెట్టాలి?

పెట్టుబడి నిర్వహణ గురించి ప్రతి వ్యక్తికి అవగాహన ఉండకపోవచ్చు. మార్కెట్లను అర్థం చేసుకునే ప్రొఫెషనల్ ఫండ్ మేనేజర్లు మ్యూచువల్ ఫండ్‌లను నిర్వహిస్తారు. వారు మీ కోసం స్టాక్స్ ఎంచుకుంటారు. అలాగే, కంపెనీ యొక్క లాభాల భవిష్యత్తు అవకాశాలపై విస్తృత పరిశోధన చేసిన తర్వాత ఇది జరుగుతుంది.

చిన్న పెట్టుబడి మొత్తంతో, అసెట్ ఎంపికలు పరిమితంగా ఉంటాయి. ఉదాహరణకు, మీ వద్ద ₹5,000 ఉంటే మరియు మీరు ఆసక్తి చూపిన బాండ్ ఫేస్ వాల్యూ ₹10,000 గా ఉండవచ్చు. అయితే, మ్యూచువల్ ఫండ్ ఆ అధిక ధర గల బాండ్‌లో ఒక భాగాన్ని కొనుగోలు చేయడానికి మీకు అనుమతిస్తుంది. మీరు కలిగి ఉన్న మ్యూచువల్ ఫండ్స్ యూనిట్ల ద్వారా బాండ్ పై అందించబడే వడ్డీ రేటు ప్రయోజనాన్ని మీరు పొందుతారు.

ఎంఎఫ్‌లు అసెట్‌ల శ్రేణిలో పెట్టుబడి పెడతాయి - అవి ఈక్విటీలు, డెట్ లేదా మనీ మార్కెట్ సాధనాలు. కావున, మ్యూచువల్ ఫండ్‌లలో పెట్టుబడి పెట్టడం వల్ల మీకు రిస్క్‌ను మరియు పోర్ట్‌ఫోలియోను డైవర్సిఫై చేయడానికి అవకాశం ఉంటుంది. అంతేకాకుండా, మ్యూచువల్ ఫండ్ మీ కార్పస్ సొంతంగా కొనుగోలు చేయగల దానికంటే ఎక్కువ అసెట్స్ కోసం యాక్సెస్‌ను ఇవ్వగలదు.

మ్యూచువల్ ఫండ్‌లు మెరుగైన నియంత్రణను కలిగి ఉన్నాయి మరియు మార్కెట్ రెగ్యులేటర్, సెబీ యొక్క సునిశిత పర్యవేక్షణలో ఉంటాయి. ఈ పెట్టుబడులు చాలా పారదర్శకమైనవి ఎందుకంటే, ఎన్ఎవిలు రోజువారీ ప్రాతిపదికన ప్రకటించబడతాయి మరియు పోర్ట్‌ఫోలియో ప్రతి నెలా ప్రకటించబడుతుంది. సంబంధిత సూచికల ఆధారంగా పనితీరు మదింపు చేయబడుతుంది.