మ్యూచువల్ ఫండ్‌ను విశ్లేషించడానికి దశలవారీ గైడ్
షాపింగ్ చేసేటప్పుడు మనలో చాలా మంది చాలా సమయం వెచ్చిస్తారు. అనేక ఎంపికలు ఉన్నప్పుడు ఇది గందరగోళంగా ఉంటుంది; ఇది జీవితంలోని దాదాపు అన్ని అంశాలలో ఉంటుంది. దుస్తుల కోసం షాపింగ్ చేసేటప్పుడు, ఇల్లు వెతికేటప్పుడు లేదా పెట్టుబడులు చేసేటప్పుడు షార్ట్‌లిస్ట్ చేయడం ఇంకా కష్టంగా ఉంటుంది. వీటిల్లో ఒక కష్టాన్ని తగ్గించడానికి ఒక గైడ్ ఇక్కడ ఇవ్వబడింది.
మ్యూచువల్ ఫండ్‌ను ఎలా విశ్లేషించాలో తెలుసుకోండి, తద్వారా మీ పెట్టుబడి ఎంపికలు సులభంగా, మరింత స్పష్టంగా మరియు ఇబ్బందులు లేకుండా ఉంటాయి. మ్యూచువల్ ఫండ్ పెట్టుబడులలో మీరు కష్టపడి సంపాదించిన డబ్బును పెట్టుబడి చేస్తారు గనుక తగిన స్కీం ఎంచుకోవడానికి శ్రద్ధగా చేసిన విశ్లేషణ మరియు అవగాహన అవసరం. ఏదైనా మ్యూచువల్ ఫండ్‌ను విశ్లేషించేటప్పుడు పెట్టుబడిదారు పరిగణించగల కొన్ని అంశాలు క్రింద ఇవ్వబడ్డాయి:
బెంచ్‌మార్క్ ఇండెక్స్ తో పోల్చినప్పుడు పనితీరు
మ్యూచువల్ ఫండ్‌ను విశ్లేషించేటప్పుడు పరిగణించవలసిన మొదటి అంశం దాని బెంచ్‌మార్క్ ప్రకారం స్కీమ్ యొక్క పనితీరు. బెంచ్‌మార్క్ ఇండెక్స్ అనేది సంబంధిత పథకం యొక్క పనితీరును కొలిచే ఒక ప్రామాణికత. బెంచ్‌మార్క్ ప్రదర్శన కంటే మంచి ప్రదర్శన కనబరిచిన మ్యూచువల్ ఫండ్‌ను ఒక మంచి పనితీరు కలిగిన మ్యూచువల్ ఫండ్‌గా పరిగణించవచ్చు.
ఫండ్ యొక్క ట్రాక్ రికార్డ్
ఒక స్కీమ్ యొక్క గత పనితీరు దాని భవిష్యత్ పనితీరుకు హామీ ఇవ్వకపోయినప్పటికీ, చారిత్రాత్మక డేటాను పరిశీలించి గడచిన సంవత్సరాలలో ఫండ్ యొక్క స్థిరత్వం గురించి మంచి అవగాహనను పొందవచ్చు. స్థిరంగా పెరిగే పనితీరు కలిగిన గ్రాఫ్ అనేది వివిధ మార్కెట్ సైకిళ్లలో పెరుగుదల మరియు తగ్గుదలలను నివారించగల సామర్థ్యాన్ని కలిగి ఉండవచ్చని మరియు దీర్ఘకాలంలో సంపదను సృష్టించగలదని సూచిస్తుంది. అయితే, దీర్ఘకాలం నుండి ఉన్న ఫండ్స్ విషయంలో మాత్రమే ఈ అంశాన్ని విశ్లేషించవచ్చు.
మార్కెట్ క్యాప్ ప్రాధాన్యత
స్కీమ్ ఇన్ఫర్మేషన్ డాక్యుమెంట్ (ఎస్ఐడి) మార్కెట్ క్యాప్స్ వ్యాప్తంగా ఫండ్ యొక్క వెయిటేజీని పేర్కొనవచ్చు. కాబట్టి, మీరు లార్జ్ క్యాప్స్ లేదా మిడ్-క్యాప్స్ ఎంచుకోవాలని అనుకుంటున్నా లేదా వాటి మిశ్రమాన్ని చూడాలని అనుకున్నా, ఈ విశ్లేషణ తగిన విధంగా ఎంచుకోవడానికి మీకు సహాయపడుతుంది.
సమానమైన వాటితో పోలిక
ఒకే కేటగిరీలో ఉన్న మ్యూచువల్ ఫండ్ స్కీముల పనితీరును పరిశీలించడం సరైన నిర్ణయం. మీరు ఒకస్మాల్ క్యాప్ ఫండ్ లో పెట్టుబడి చేయాలని అనుకున్నారు, పవర్ వ్యూహాన్ని ఉపయోగించి ఇతర స్మాల్ క్యాప్ ఫండ్స్‌తో పోలిస్తే ఫండ్ లక్ష్యం ప్రకారం దాని బెంచ్‌మార్కుతో పోలిస్తే మెరుగైన (ప)పనితీరు, (వ)విస్తృత పెట్టుబడిదారు బేస్, మార్కెట్ సైకిల్స్‌లో అనేక సంవత్సరాల అనుభవం మరియు (ర్) రైట్ సైజ్ కలిగి ఉన్న దానిని ఎంచుకోవచ్చు.
ఎక్స్‌పెన్స్ రేషియో
ఎక్స్‌పెన్స్ రేషియో అనేది ఫండ్స్ నిర్వహించడానికి అసెట్ మేనేజ్మెంట్ కంపెనీ వసూలు చేసే ఫీజు. ఎక్స్‌పెన్స్ రేషియో తక్కువగా ఉంటే, మీరు మ్యూచువల్ ఫండ్ హౌస్‌కు చెల్లించవలసిన మూలధన లాభాలలోని భాగం తక్కువగా ఉంటుంది. ప్రారంభంలో అవి తక్కువగా అనిపించినప్పటికీ అవి తుది లెక్కింపుకు జోడించబడతాయి మరియు దీర్ఘకాలంలో భారీ మొత్తం రూపంలో కనిపించవచ్చు. అయితే, ఇది మ్యూచువల్ ఫండ్ విశ్లేషణలో ఇది ప్రధాన ప్రమాణం కాకూడదు.
ఓవర్‌ల్యాప్ నిష్పత్తి
ఒకే కంపెనీలలో పెట్టుబడి చేసే రెండు ఫండ్స్‌లో పెట్టుబడి చేయడం వలన ఎటువంటి ఉపయోగం ఉంటుంది?? ఈ అంచనా కోసం ప్రామాణిక సంఖ్య ఏదీ లేకపోయినప్పటికీ, ఓవర్‌ల్యాప్ రేషియో వీలైనంత తక్కువగా ఉండాలి.
ఇవి కాకుండా, మ్యూచువల్ ఫండ్‌ని అంచనా వేయడానికి షార్ప్ రేషియో, ప్రైస్ టు ఎర్నింగ్స్ లేదా పి/ఇ రేషియో, ఫండ్ మేనేజర్ నిర్వహిస్తున్న ఇతర ఫండ్స్ పనితీరు మొదలైనవి ఉపయోగించబడతాయి. ఒక ఆర్థిక సలహాదారు సహకారం తీసుకోవడం కూడా తెలివైన నిర్ణయం తీసుకోవడానికి దోహదపడుతుంది.
కాబట్టి, మ్యూచువల్ ఫండ్స్ మార్కెట్ రిస్కులకు లోబడి ఉంటాయి, కానీ వీటిని అధ్యయనం చేయకుండా పెట్టుబడి పెట్టడం ఇంకా ప్రమాదకరమైనది. మరియు ఇప్పుడు మ్యూచువల్ ఫండ్ పనితీరును ఎలా విశ్లేషించాలో మీకు తెలుసు గనుక ఈరోజే మీ జీవిత లక్ష్యాల కోసం పెట్టుబడి పెట్టడం ప్రారంభించండి.
