మీరు డెట్ మ్యూచువల్ ఫండ్‌లో పెట్టుబడి పెట్టినప్పుడు, మీరు ప్రాథమికంగా ప్రభుత్వానికి లేదా ఇతర కార్పొరేట్లకు బాండ్ల ద్వారా రుణాలు ఇస్తున్నారు. డెట్ మ్యూచువల్ ఫండ్స్ ఎలా పని చేస్తాయి అనే దాని గురించి మీరు ఇక్కడ మరింత చదవవచ్చు. ఇక్కడ, ఎవరికి రుణం ఇవ్వాలి, నేను నా డబ్బును ఎప్పుడు తిరిగి పొందగలను, వారు డిఫాల్ట్ అయితే ఏమి చేయాలి మొదలైనటువంటి అంశాలు ఇందులో ఉన్నాయి. అయితే, మీకు స్థిరమైన రాబడిని అందించే సాంప్రదాయ పెట్టుబడులతో మీ స్వల్పకాలిక లక్ష్యాలు బాగా నెరవేరాయని మీరు వాదించవచ్చు, అలాంటప్పుడు మీరు డెట్ ఫండ్లలో ఎందుకు పెట్టుబడి పెట్టాలి?
డెట్ ఫండ్స్ అనేవి మీకు లిక్విడిటీ, పారదర్శకత, డైవర్సిఫికేషన్, వృత్తి నైపుణ్యం, పన్ను ఆదా చేయడం మరియు రిటర్న్స్ సంపాదించే వివిధ అవకాశాలను అందిస్తాయి. అందుబాటులో ఉన్న అన్ని డెట్ ఫండ్స్ రకాల్లో మీ లక్ష్యానికి తగిన విధంగా సరిపోయే ఒక ఫండ్ రకాన్ని మీరు కనుగొంటారు. ఉదాహరణకు, మీరు 6 నెలల నుండి 1 సంవత్సర కాలంలో ఒక కొత్త ఎసి/ రిఫ్రిజిరేటర్‌ను కొనుగోలు చేయాలని లక్ష్యంగా పెట్టుకుంటే, మీరు అల్ట్రా షార్ట్ టర్మ్ డెట్ ఫండ్స్‌లో పెట్టుబడి పెట్టవచ్చు. డెట్ ఫండ్స్ సాధారణంగా లాక్-ఇన్ పీరియడ్‌లు లేకుండా వస్తాయి; కావున, మీ డబ్బు అన్ని వేళలా మీకు అందుబాటులో ఉంటుంది. ఒక ఫండ్ మేనేజర్ ఎప్పుడూ రిస్క్‌లను తగ్గించడానికి లేదా మీ పెట్టుబడులు మెరుగైన ఫలితాలను సాధించేందుకు ప్రయత్నించేలా నిర్ధిష్టమైన రిస్కులను తీసుకోవడానికి అతని/ఆమె నైపుణ్యాన్ని ఉపయోగిస్తారు. అదనంగా, ఎల్లప్పుడూ మీకు ఫండ్ పోర్ట్‌ఫోలియో కోసం యాక్సెస్ ఉంటుంది, ఇలాంటి సమాచారాన్ని ఫండ్ హౌస్ మీకు క్రమంతప్పకుండా అందుబాటులో ఉండేలా చేస్తుంది; ఇది పారదర్శకత లోపించే సంప్రదాయ పెట్టుబడులకు భిన్నంగా ఉంటుంది.
ఈక్విటీ ఓరియెంటెడ్ మ్యూచువల్ ఫండ్స్ పై కాకుండా ఇతర వాటిపై సంపాదించే స్వల్పకాలిక మూలధన లాభాలపై మీ ఆదాయపు పన్ను స్లాబ్ రేట్ల ప్రకారం పన్ను విధించబడుతుంది. అయితే, మీరు ఇందులో 36 నెలలకు పైగా పెట్టుబడి పెడితే, మీ దీర్ఘకాలిక మూలధన లాభాలు ఇండెక్సేషన్ ప్రయోజనం(నివాస పెట్టుబడిదారులకు)తో పాటు @ 20% పన్ను కోతకు గురవుతాయి. ఈ పన్ను రేట్ల నుండి వర్తించే సర్‌ఛార్జ్‌ మినహించబడుతుంది
షార్ట్ టర్మ్ డెట్ ఫండ్ ఎంపిక అనేది మీ లక్ష్యం, పెట్టుబడి అవధి మరియు రిస్క్ తీసుకునే సామర్థ్యంపై ఆధారపడి ఉంటుంది. ఎంపిక అనేది వ్యక్తిగతం కావచ్చు, కానీ మీ లక్ష్యం కనీసం స్వల్పకాలిక ద్రవ్యోల్బణాన్ని ఎదుర్కోవాలి, ఒకవేళ దాన్ని అధిగమించకపోతే, డెట్ మ్యూచువల్ ఫండ్స్‌తో అది సాధ్యమవుతుంది. మీకు అందుబాటులో ఉన్న మ్యూచువల్ ఫండ్‌ల రకాలు ఇక్కడ ఉన్నాయి, ఈ రోజే మీకు నచ్చింది ఎంచుకోండి.
