కస్టమ్ టైటిల్

మ్యూచువల్ ఫండ్స్ ప్రయోజనాలు

మ్యూచువల్ ఫండ్ అంటే ఏమిటి? ఇది మొట్టమొదటి సారిగా మ్యూచువల్ ఫండ్స్‌ను ప్రవేశ పెట్టినప్పుడు, అనగా 25 సంవత్సరాల క్రితం ఎదురైన ప్రశ్న. అయితే, ప్రారంభం నుండి ఇప్పటివరకు, మ్యూచువల్ ఫండ్స్‌కు సంబంధించి పెట్టుబడిదారుల ఆలోచనా విధానం బాగా మెరుగుపడింది. అవి ప్రారంభమైన నాటి నుండి, ‌మ్యూచువల్ ఫండ్స్​‌‌ అనేక మంది పెట్టుబడిదారుల కోసం అత్యంత ప్రజాదరణ పొందిన, వేగంగా అభివృద్ధి చెందుతున్న ఒక పెట్టుబడి రూపంగా నిలిచింది. ఇవి చాలా సులభమైనవి, సమయం లేని లేదా పరిమిత జ్ఞానం లేదా పరిమిత స్థాయిలో డబ్బు కలిగిన పెట్టుబడిదారుల కోసం ఇతర గొప్ప ఫీచర్లను కూడా అందిస్తాయి. ఈ రోజుల్లో మ్యూచువల్ ఫండ్ పెట్టుబడులు ఎందుకు గొప్ప ట్రెండ్‌గా మారాయో విశ్లేషిద్దాం.

మ్యూచువల్ ఫండ్స్‌లో పెట్టుబడి పెట్టడం వల్ల కలిగే ప్రధాన ప్రయోజనాలు

ప్రయోజనం #1: మ్యూచువల్ ఫండ్ పెట్టుబడులు ‌లో మానసిక ఒత్తిడి తక్కువగా ఉంటుంది: పెట్టుబడులు ఎల్లపుడూ కొంత అనిశ్చితని కలిగి ఉంటాయి. తగినంత జ్ఞానం మరియు సమయం, స్వీయ క్రమశిక్షణ లేదా పెట్టుబడి అనుభవం లేకపోవడం వలన పెట్టుబడిదారుడు పెట్టుబడి చేయడానికి వెనుకంజ వేస్తారు. ఇటువంటి పరిస్థితులలో మ్యూచువల్ ఫండ్స్ తగినవి. ఎందుకనగా అవి, పెట్టుబడులను నిర్వహించడానికి వృత్తినిపుణుల నైపుణ్యాన్ని ఉపయోగించే విధంగా రూపొందించబడ్డాయి, ఇది పెట్టుబడిదారు ఒత్తిడిని దూరం చేస్తుంది.

ప్రయోజనం #2: మ్యూచువల్ ఫండ్స్ డైవర్సిఫికేషన్‌ను అందిస్తాయి: అసెట్ల డైవర్సిఫికేషన్ అనేది పెద్ద మరియు చిన్న వ్యాపారాలకు వర్తించే ఒక నియమం. మిగితా పోర్ట్‌ఫోలియో పై ధర పతనం అయిన స్టాక్ ప్రభావం తగ్గించడానికి ఇది ఉపయోగపడుతుంది

ఒక మ్యూచువల్ ఫండ్ లేని పెట్టుబడిదారు తన పెట్టుబడి మొత్తాన్ని ఒకటి లేదా రెండు స్టాక్స్‌లో పెట్టుబడిగా చేసి అధిక స్థాయిలో రిస్కును ఎదుర్కొంటారు

ప్రయోజనం #3: మ్యూచువల్ ఫండ్స్ పన్ను ప్రయోజనాలను అందిస్తాయి: మ్యూచువల్ ఫండ్ పెట్టుబడులు దీర్ఘకాలికంగా (12 నెలలు లేదా అంతకంటే ఎక్కువగా) నిర్వహించినప్పుడు మూలధన లాభాలు 7 కోసం అర్హత పొందుతాయి, తదనుగుణంగానే పన్ను విధించబడుతుంది. అదేవిధంగా మ్యూచువల్ ఫండ్స్ ఇండెక్సేషన్ ప్రయోజనాన్ని కూడా కలిగి ఉన్నాయి.

ప్రయోజనం #4: మ్యూచువల్ ఫండ్స్ లిక్విడిటీని కలిగి ఉంటాయి:‌ ఓపెన్-ఎండెడ్ మ్యూచువల్ ఫండ్స్‌లో ‌‌స్టాక్ యొక్క ప్రస్తుత విలువను పొందడానికి ఒక పెట్టుబడిదారునికి ఏ సమయంలోనైనా తన పెట్టుబడిలో కొంత భాగాన్ని లేదా మొత్తాన్ని రీడీమ్ చేసుకునే అవకాశం ఉంటుంది. ఈ ప్రాసెస్ ప్రమాణీకరించబడింది, ఇది ఈ విధానాన్ని సమర్థవంతంగా మరియు చాలా త్వరగా పూర్తి చేస్తుంది, తద్వారా పెట్టుబడిదారు వీలైనంత త్వరగా తన నగదును పొందుతారు.

ప్రయోజనం #5: మ్యూచువల్ ఫండ్స్ పారదర్శకంగా ఉంటాయి: మ్యూచువల్ ఫండ్ పనితీరును అనేక ఏజెన్సీలు, ప్రచురణ సంస్థలు మరియు నిపుణులు క్రమం తప్పకుండా సమీక్షిస్తారు. ఇది పెట్టుబడిదారు వేర్వేరు ఫండ్‌లను ఒకదానితో మరొక దానిని పోల్చడాన్ని సులభతరం చేస్తుంది. ఫండ్‌లో ఒక పెట్టుబడిదారునిగా, ఒక వ్యక్తికి నెలవారీ అకౌంట్ స్టేట్‌మెంట్‌లు, నెలవారి మరియు అర్థ వార్షిక పోర్ట్‌ఫోలియో డిస్‌క్లోజర్ మొదలైనటువంటి సాధారణ అప్‌డేట్‌లు అందించబడతాయి