కస్టమ్ టైటిల్

మ్యూచువల్ ఫండ్ ఎన్ఏవి అంటే ఏమిటి మరియు అది ఎలా లెక్కించబడుతుంది?

ఎన్ఎవి అంటే ఏమిటి?

ఎన్ఏవి అంటే 'నెట్ అసెట్ వాల్యూ'. ఎన్ఏవి అనేది పెట్టుబడిదారుడు మ్యూచువల్ ఫండ్‌ను కొనుగోలు చేసే లేదా దానిని తిరిగి ఫండ్ హౌస్‌కు విక్రయించే ధరను సూచిస్తుంది. మ్యూచువల్ ఫండ్ యొక్క ఎన్ఏవి దాని మార్కెట్ విలువకు సూచిక. అందువల్ల, మ్యూచువల్ ఫండ్ యొక్క ప్రస్తుత పనితీరును అంచనా వేయడానికి ఎన్ఏవి ని చూడవచ్చు. మ్యూచువల్ ఫండ్ యొక్క ఎన్ఏవి శాతం పెరుగుదల లేదా తగ్గుదలని గుర్తించడం ద్వారా పెట్టుబడిదారుడు, కాలానుగుణంగా దాని విలువలో పెరుగుదల లేదా తగ్గుదలని లెక్కించవచ్చు. ఒక మ్యూచువల్ ఫండ్ యొక్క ఎన్ఏవి​ సాధారణంగా ఎన్ఏవి అనేది మ్యూచువల్ ఫండ్ లేదా మ్యూచువల్ ఫండ్ హౌస్ స్వయంగా నియమించిన ఫండ్ అకౌంటింగ్ సంస్థ ద్వారా లెక్కించబడుతుంది. సెబీ మార్గదర్శకాల ప్రకారం, అన్ని మ్యూచువల్ ఫండ్‌లు ప్రతీ వ్యాపార దినంలో ఏఎంసి మరియు ఏఎంఎఫ్ఐ వెబ్‌సైట్‌లో అప్‌డేట్ చేయడం ద్వారా తమ ఎన్ఏవి ను బహిర్గతం చేయడం తప్పనిసరి.

ఎన్ఏవి ఎలా లెక్కించబడుతుంది?

సాధారణంగా, మ్యూచువల్ ఫండ్ అసెట్ రెండు వర్గాలలో ఒకటిగా ఉంటుంది. ఇది అంతర్లీన సెక్యూరిటీలు లేదా లిక్విడ్ ఫండ్స్ (నగదు) తో కూడిన స్కీమ్. సెక్యూరిటీలలో స్టాక్స్ మరియు బాండ్స్ రెండూ ఉంటాయి. ఎన్ఏవి ని లెక్కించడానికి, మొత్తం ఎక్స్‌పెన్స్ రేషియో అసెట్ వాల్యూ నుండి తీసివేయబడుతుంది. కాగా, ప్రతీ యూనిట్‌కు అసెట్ వాల్యూని ప్రామాణీకరించడానికి, నెట్ అసెట్ వాల్యూని అందించడానికి, ఈ విలువ బకాయి ఉన్న యూనిట్ల మొత్తం సంఖ్యతో విభజించబడుతుంది. ఎన్ఏవి లెక్కించడానికి ఫార్ములాను నేర్చుకోవడానికి ముందు, టోటల్ అసెట్ వాల్యూ మరియు ఎక్స్‌పెన్స్ రేషియో అంటే ఏమిటో మనం అర్థం చేసుకోవాలి.

టోటల్ అసెట్ వాల్యూ మ్యూచువల్ ఫండ్ నెట్ అసెట్ వాల్యూకి భిన్నంగా ఉంటుంది. టోటల్ అసెట్ వాల్యూ దాని నగదు, మార్కెట్ వాల్యూ లేదా మ్యూచువల్ ఫండ్ ముగింపు ధర వద్ద తీసుకోబడిన స్టాక్స్ మరియు బాండ్‌లను కలిగి ఉంటుంది. అలాగే ఫండ్ నుండి వచ్చే వడ్డీ, దాని లిక్విడ్ అసెట్స్ మరియు డివిడెండ్‌లు కూడా టోటల్ అసెట్ వాల్యూలో చేర్చబడి ఉంటాయి. చివరగా, ఏవైనా ఖర్చుల వంటి వ్యయాలు, రుణదాతలకు అప్పులు మరియు ఇతర బాధ్యతలు వంటి ఖర్చులు కూడా టోటల్ అసెట్ వాల్యూలో భాగంగా ఉంటాయి.

ఇందులో అనేక ఖర్చులు ఉన్నాయి:‌ ‌మ్యూచువల్ ఫండ్​. ఎన్ఏవి ని లెక్కించడానికి టోటల్ అసెట్ వాల్యూ నుండి తీసివేయబడిన ఎక్స్‌పెన్స్ రేషియో అనేది మ్యూచువల్ ఫండ్ స్కీమ్ ద్వారా చేసిన వార్షిక ఖర్చుల మొత్తం. ఎక్స్‌పెన్స్ రేషియో దాని నిర్వహణ ఛార్జీలు, ఆపరేటింగ్ ఖర్చులు, బదిలీ ఏజెంట్ ఖర్చులు, కస్టోడియన్ మరియు ఆడిట్ ఛార్జీలు మరియు డిస్ట్రిబ్యూషన్ మరియు మార్కెటింగ్ ఖర్చులు ఉంటాయి.

మ్యూచువల్ ఫండ్ ఎన్ఏవి ని లెక్కించడానికి ఉపయోగించే ఫార్ములా:

నెట్ అసెట్ వాల్యూ = [నెట్ అసెట్ వాల్యూ— ఎక్స్‌పెన్స్ రేషియో] / అవుట్‌స్టాండింగ్ యూనిట్ల సంఖ్య

ఇక్కడ 'టోటల్ అసెట్ వాల్యూ' అనేది మ్యూచువల్ ఫండ్ పెట్టుబడుల యొక్క మార్కెట్ విలువకు (సంబంధిత స్టాక్ ఎక్స్‌ఛేంజ్‌లో తాజా ముగింపు ధర) అదనంగా సేకరించిన ఏదైనా ఆదాయం మరియు స్వీకరించదగిన వాటితో పాటు ఖర్చులు, రుణదాతలకు బకాయి ఉన్న అప్పులు మరియు ఇతర బాధ్యతలకు సమానం.

ఎన్ఏవి ఎప్పుడు లెక్కించబడుతుంది?

స్టాక్ మార్కెట్ కార్యకలాపాల సమయంలో మ్యూచువల్ ఫండ్ యొక్క ఎన్ఏవి లెక్కించబడదు, ఎందుకనగా, అంతర్లీన సెక్యూరిటీ ధర నిరంతరంగా మారుతూ ఉంటుంది. ఒకసారి క్లోజింగ్ బెల్ మోగి ట్రేడింగ్ రోజు ముగిసిన తర్వాత, ఎన్ఏవి ని లెక్కించవచ్చు. అలాగే, ఆ రోజు కోసం ఫండ్ యొక్క సెక్యూరిటీల ముగింపు ధరలను ఉపయోగించి ఇది లెక్కించబడుతుంది.

మ్యూచువల్ ఫండ్ యొక్క అధిక లేదా తక్కువ ఎన్ఏవి ఏమి సూచిస్తుంది?

ఎన్ఏవి తక్కువ ఉన్న స్కీమ్ నుండి మీరు కొనుగోలు చేయగలిగే దానికంటే అదే ధరకు మీరు కొన్ని తక్కువ యూనిట్లను అధిక ఎన్ఏవి గల స్కీమ్‌లో కొనుగోలు చేస్తారు. ఉదాహరణకు, ఒక పెట్టుబడిదారు ₹ 1,00,000 ను A మరియు B అనే రెండు వేర్వేరు పథకాల్లో పెట్టుబడి కోసం ఎంచుకున్నాడని అనుకుందాం. స్కీమ్ A టోటల్ అసెట్ వాల్యూ ₹ 10, స్కీమ్ B యొక్క ఎన్ఏవి ₹ 50, మరియు రెండు పథకాలు ప్రతీ నెలకు 10% రిటర్న్స్ ఇస్తాయని అనుకుందాం. అయితే ఇక్కడ, A 10,000 యూనిట్లు పొందవచ్చు కనుక చౌకగా అనిపిస్తుంది, స్కీమ్ B అదే ధరకు 2000 యూనిట్లను మాత్రమే కొనుగోలు చేయవచ్చు, కానీ ఇది అలా కాదు. ఎలాగో చూద్దాం.

ప్రతి నెలా 10% రిటర్న్స్ కారణంగా, ఎన్ఏవి పెరుగుతుంది. తరువాతి నెలలో A యొక్క ఎన్ఏవి ₹ 11 గా మరియు B ₹ 55 గా ఉంటుంది. రెండు సందర్భాల్లో, మీ ₹ 1,00,000 పెట్టుబడి విలువ ఒకే నెలలో ₹ 1,10,000 కి పెరిగింది. అందువల్ల, అధిక లేదా తక్కువ ఎన్ఏవి అనేది మ్యూచువల్ ఫండ్ స్కీమ్ నుండి మీరు సంపాదించగల రిటర్న్స్‌కు సంబంధించిన విషయం కాదు. స్కీములు ఒకే రాబడిని అందించినంత కాలం వాటి ఎన్ఏవి లో వ్యత్యాసం గణనీయంగా ఉండదు. స్కీమ్‌లు A మరియు B ల మధ్య గల వ్యత్యాసం ఏమిటంటే, పెట్టుబడిదారుడు తరువాతి సందర్భంలో కన్నా మొదటి సందర్భంలోనే ఎక్కువ యూనిట్లను పొందుతాడు.

మ్యూచువల్ ఫండ్ ఇన్వెస్టర్‌లకు ఉపయోగకరమైన సమాచారం: మ్యూచువల్ ఫండ్ పెట్టుబడిదారులందరూ ముందుగా వన్-టైం కెవైసి (మీ కస్టమర్‌ను తెలుసుకోండి) ప్రాసెస్ పూర్తి చేయాలి. ఇన్వెస్టర్‌లు రిజిస్టర్ చేయబడిన, అనగా సెబీ వెబ్‌సైట్‌లో 'మధ్యవర్తులు/ మార్కెట్ మౌలిక సదుపాయాల సంస్థల' కింద ధృవీకరించబడిన మ్యూచువల్ ఫండ్‌లతో మాత్రమే లావాదేవీలు నిర్వహించాలి. మీ ఫిర్యాదుల పరిష్కారానికి, దయచేసి ఈ వెబ్‌సైట్‌ను సందర్శించండి:‌ www.scores.gov.in.​ కెవైసి గురించిన మరింత సమాచారం కోసం, వివిధ వివరాలలో మార్పుల కోసం మరియు ఫిర్యాదుల పరిష్కారానికి, సందర్శించండి https://www.nipponindiamf.com/InvestorEducation/what-to-know-when-investing.htm​

ఇది నిప్పాన్ ఇండియా మ్యూచువల్ ఫండ్ ద్వారా పెట్టుబడిదారులకు విద్య మరియు అవగాహన చొరవ.