కస్టమ్ టైటిల్

మ్యూచువల్ ఫండ్ అంటే ఏమిటి? మీరు మీ పెట్టుబడిని మ్యూచువల్ ఫండ్‌లో ఎందుకు పెట్టాలి?

మ్యూచువల్ ఫండ్ అంటే ఏమిటి?

నిర్వచనం ప్రకారం మ్యూచువల్ ఫండ్ అంటే డబ్బును ఆదా చేసి మంచి రాబడులను పొందాలనుకునే పెట్టుబడిదారుల నుండి సేకరించిన నిధుల మొత్తం అని అర్థం. వ్యక్తిగతంగా బాండ్లు, స్టాక్‌లలో ట్రేడింగ్ చేయడం కంటే కూడా మ్యూచువల్ ఫండ్‌లో పెట్టుబడి చేయడం చాలా సులభం.

వృత్తినిపుణుల చేత పెట్టుబడుల నిర్వహణ: అన్ని మ్యూచువల్ ఫండ్ పెట్టుబడులు వృత్తిపరమైన అర్హత కలిగిన వ్యక్తుల చేత ఎంపిక చేయబడతాయి మరియు పర్యవేక్షించబడతాయి, వీరు ఈ పెట్టుబడులతో జాగ్రత్తగా ప్రణాళిక వేయబడిన మరియు ఎంపిక చేయబడిన పోర్ట్‌ఫోలియోని సృష్టించవచ్చు. ఈ పోర్ట్‌ఫోలియోలో బాండ్లు, స్టాక్లు మరియు ఇతర సాధనాలు లేదా వీటన్నింటి కలయిక అయి ఉంటుంది.

ఫండ్ యాజమాన్యం: పెట్టుబడిదారు మ్యూచువల్ ఫండ్ పెట్టుబడి యొక్క షేర్లను కలిగి ఉంటాడు మరియు విడి సెక్యూరిటీల యాజమాన్యాన్ని కలిగి ఉండడు. ఈ ఫండ్‌లు ఒక పెట్టుబడిదారునికి వారి స్వంత పరిమితుల ప్రకారం చిన్న లేదా పెద్ద మొత్తాలలో డబ్బును పెట్టుబడి పెట్టడానికి అనుమతిస్తాయి మరియు ఇతర వ్యక్తులు చేసిన పెద్ద మొత్తంలోని పెట్టుబడులలో పాల్గొనడం ద్వారా లాభాలను అర్జిస్తాయి. అన్ని లాభాలు మరియు నష్టాలను ఫండ్‌లోని పెట్టుబడిదారులందరూ వారు పెట్టుబడి పెట్టిన మొత్తానికి తగినట్లుగా సమానంగా పంచుకుంటారు.

మీరు మ్యూచువల్ ఫండ్స్‌లో ఎందుకు పెట్టుబడి పెట్టాలి

• వృత్తినిపుణుల చేత నిర్వహణ: మ్యూచువల్ ఫండ్స్​‌ అనేవి అత్యధిక వృత్తి నైపుణ్యం కలిగిన రీసెర్చ్ బృందాల చేత నిర్వహించబడతాయి, ఈ బృందాలు అందుబాటులో ఉన్న అవకాశాలు మరియు పనితీరు ఆధారంగా ఆర్థిక నిర్ణయాలు తీసుకోవడానికి పెట్టుబడిదారులకు ఉత్తమ సేవలు అందించడానికి మరియు మీ పెట్టుబడుల పై సాధ్యమైనంత ఉత్తమ రిటర్న్స్ అంకితం అయ్యాయి.
• సౌలభ్యం: క్యాపిటల్ మార్కెట్‌లో పెట్టుబడులు చేసే, సమయం లేదా తగిన నైపుణ్యం లేని పెట్టుబడిదారుల కోసం మ్యూచువల్ ఫండ్‌లు గొప్ప పెట్టుబడి ఎంపికగా నిరూపించబడ్డాయి. ఒక పెట్టుబడిదారు తన పెట్టుబడుల గురించి చింతించకుండా జీవితంలోని ఇతర ముఖ్యమైన విషయాలకు సమయం కేటాయించేందుకు మ్యూచువల్ ఫండ్స్ తోడ్పడతాయి.
• డైవర్సిఫికేషన్: ఒక ఆంగ్ల సామెతలో చెప్పినట్లుగా మీ అన్ని పెట్టుబడులను ఒకే చోట చేయవద్దు, విస్తృత శ్రేణిలో ఉన్న అసెట్లలో పెట్టుబడి చేయడం ద్వారా మ్యూచువల్ ఫండ్స్ పెట్టుబడిదారుకి రిస్కుని తప్పించుకునే అవకాశం అందిస్తుంది. పరిమిత స్థాయిలో మూలధనం ఉన్న వ్యక్తులకు ఇవి గొప్ప ఎంపిక.
• పారదర్శకత మరియు భద్రత: ఫండ్ హౌస్‌లు వాటి పెర్ఫార్మెన్స్ వ్యూహంతో పెట్టుబడి యొక్క ప్రస్తుత విలువ గురించి క్రమం తప్పకుండా సమాచారాన్ని అందిస్తాయి. ఇది పెట్టుబడిదారులకు వారి పెట్టుబడులు పనితీరు గురించి ఒక స్పష్టమైన అవగాహనను అందిస్తుంది. అలాగే, అవి సెబీ ఆధ్వర్యంలో నిర్వహించబడతాయి, అయితే, ఏదైనా పెట్టుబడిలో రిస్క్ అనేది ఉంటుంది, నైపుణ్యం కలిగిన సిబ్బంది, జాగ్రత్తగా ఎంపిక చేయడం, డైవర్సిఫికేషన్‌ అనేవి రిస్కులను తగ్గించడంలో మరియు నిర్ధిష్ట వ్యవధిలో రిటర్న్స్ పెంచడంలో సహాయపడతాయి.